Құрметті жерлестер!

Білім күні құтты болсын! Білімді азамат – еліміздің ертеңі, халқымыздың болашағы.

«Халық пен халықты, адам мен адамды теңестіретін нәрсе – білім», - деп заңғар жазушы Мұхтар Әуезов айтқандай, білімдінің алмайтын шыңы, бағындырмайтын биігі жоқ.

Мемлекет жас ұрпақтың сапалы білім алуы үшін барлық жағдайды жасап жатыр. Заманауи мектептер салынып, соңғы үлгідегі құрал-жабдықтармен жабдықталуда.

Мектептің жүрегі - мұғалім. Білікті ұстаздан білімді шәкірт шығады. Сондықтан педагогтеріміздің кәсіби деңгейін көтеру күн тәртібінен түскен емес.

Мектеп оқушыларын, мұғалімдер мен ата-аналарды бүгінгі ерекше күнмен құттықтаймын! Жаңа оқу жылы табысты болсын!

Құрметпен, Абай облысының әкімі Нұрлан Ұранхаев

Ақпарат көзі: Абай облысының әкімдігі