8 қыркүйекте Қазақстанда Отбасы күні атап өтіледі. Осы мейрам қарсанында «Дені сау ұрпақ» тақырыбында Аягөз қаласының  № 13 өрт сөндіру бөлімінің жүргізуші-қызметкері Жексембек Руслан өзінің отбасының жетістіктерімен бөлісті.

Жексембек Руслан жолдасы Қымбат Дәулетқызымен отасқандарына 10 жылдан асты. Екеуі көп қыиындықтарды бірге көрді, осы уақыт ішінде ең бастысы-мықты отбасы, бірін-бірін түсіну керектігін үйренді. Қазіргі таңда 2 ұл 1 қыз тәрбиелеп отыр.

Руслан азаматтық қорғау органдарында 2015 жылдан бастап № 13 өрт сөндіру бөліміннің жүргізуші-қызметкер лауазымында жұмыс атқарып келе жатыр. Қызмет еткен жылдары көптеген өрттерді сөндіруге, сонымен қатар іздестіру және құтқару жұмыстарына қатысты. Руслан өзін білімді маман ретінде көрсетті және ұжымда құрметке ие.

Жолдасы Қымбат Жексембек Қазақстан Республикасы Қорғаныс Министрлігінің № 16443 әскери бөлімінде есепші көмекшісі лауазымында жұмыс атқарады.

Жексембектер әулиетің «Спорттық отбасы» деп айтуға болады. Руслан жастайынан футбол үйірмесіне қатысып, Аягөз ауданының құрамасында Республикалық жарыстарда жүлделі орындар иегері атанды, атап айтқанда жағажай футболынан ұйымдастырылған республикалық жарысқа ауданының құрамасы сапында жүлделі 3 орын йеленді. Қазіргі таңда Аягөз қаласының  № 13 өрт сөндіру бөлімінің құрама командасының негізгі ойыншысы.

2023 жылы Айдос Тоғызбаевты еске алуға арналған шағын футболдан облыстық турнирінде Аягөз қаласының № 13 өрт сөндіру бөлімі құрамасымен, 20 команданың ішінде, 3 орын иеленді.

Жолдасы Қымбат волейбол ойнайды, жақында әскери қызметшілер арасында өткізілген республикалық жарыстын жеңімпазы атанды.

Қазіргі таңда, Руслан мен Қымбат, балаларына да спортқа деген қызығушылықтарын арттыруда. Атап айтқанда үлкен ұлдары Әбілмансұр футбол үйірмесіне қатысып, 2013-2014 жылдар арасында аудан аралық жарысының жеңімпазы.

Руслан жолдасы екеуі балалары болашақта спортшы және үлгілі маман шығатынына сенім артуда және соған жету үшін еңбек етуде.

Абай облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан