Еуропалық Парламентке сапары аясында ҚР Адам құқықтары жөніндегі уәкіл Артур Ластаев Еуропалық Парламенттің адам құқықтары жөніндегі кіші комитетінің (DROI) төрағасы Мунир Сатуримен және кіші комитеттің Вице-төрағасы Марта Темидумен кездесуі өтті. Кездесу барысында тараптар адам құқықтарын қорғауға қатысты кең ауқымды мәселелерді талқылады. Азаптауларға қарсы күрес шараларына, оның ішінде Ұлттық алдын алу тетігінің жұмысына ерекше назар аударылды. Артур Ластаев Омбудсмен кеңсесінің қызметімен таныстырып, оның азаматтардың өтініштерін қараудағы, адам құқықтарының сақталуын бақылаудағы, мемлекеттік органдармен және қоғамдық ұйымдармен өзара іс-қимылдағы рөлін атап өтті.Сонымен қатар БАҚ қызметін реттеуге қатысты заңнамалық бастамалар халықаралық стандарттарға сәйкестігіне баса назар аудара отырып, талқыланды. Кездесу сындарлы түрде өтті және Қазақстан мен Еуропалық Одақ арасындағы адам құқықтарын қорғау саласындағы ынтымақтастықты нығайтудағы тағы бір қадам болды.

Ақпарат көзі: Қазақстан Республикасындағы Адам құқықтары жөніндегі уәкіл