Адам құқықтары жөніндегі уәкіл Артур Ластаев колонияларда мүгедектерге жағдай жасау қажеттігін айтты

Қазақстан Республикасындағы Адам құқықтары жөніндегі уәкіл кеңсесінің жұмыс бағыттарының бірі сотталғандардың құқықтарының сақталуын бақылау және азаптау мен қатыгездікпен күресу болып табылады. Осы мақсатта Омбудсмен Артур Ластаев еліміздің әр өңіріндегі түзеу мекемелерін аралауда. Осылайша, жыл басынан бері еліміздің 6 облысындағы 7 колонияға барды.

Сонымен қатар, Уәкіл мүмкіндігі шектеулі сотталғандарға жағдай жасау мәселесіне баса назар аударады. Қазіргі уақытта бас бостандығынан айыру мекемелерінде қосымша мұқтаждығы бар 763 адам болса, оның 732-сі ерлер, 31-і әйелдер.

Алайда, мекемелердегі жағдайлар ең төменгі халықаралық стандарттарға толық сәйкес келмейді.

Осы жаздың басында Артур Ластаев Қазақстан Республикасының Үкіметіне елімізде әртүрлі санаттағы сотталғандарды орналастыра алатын заманауи көпсалалы аралас режимдегі колониялар құру туралы ұсыныс жасаған болатын. Бұл бүгінде қылмыстық атқару жүйесі қызметкерлерінің де, сотталғандардың өздері де кездесіп жүрген бірқатар мәселелерді шешуге септігін тигізер еді.

Ең бастысы, мұндай заманауи колониялар мүмкіндігі шектеулі жандардың қажеттіліктерін ескереді.

«Бүгінде соңғы мәліметтер бойынша түзеу мекемелерінде 700-ден астам мүмкіндігі шектеулі адам жазасын өтеп жатыр. Әрине, олар ерекше жағдайларды талап етеді және түзеу мекемелері мұны ескеруі керек. Оларға лайықты жағдай жасау – заң талабы ғана емес, біздің адамгершілік парызымыз. Осы адамдардың құқықтарын қамтамасыз ете отырып, біз қоғамымызда әділдік пен адамгершілік қағидаттарын нығайтып, әрбір адам қандай жағдайда болғанына қарамастан құрмет пен лайықты қарым-қатынасқа лайық екенін дәлелдейміз», - деді Адам құқықтары жөніндегі уәкіл Артур Ластаев.

Жоғарыда аталған колониялар қамауда ұстаудың әр түрлерi үшiн жергiлiктi аймақтары бар ортақ аумақ болады, яғни онда өмір бойына сотталғандар, әйелдер, оның ішінде жас балалары барлар және басқа санаттағы сотталғандар жазасын өтейді.

Ең бастысы, мұндай заманауи колониялар мүмкіндігі шектеулі жандардың қажеттіліктерін ескереді.Колонияларда мүгедектер үшін арнайы жағдайлар жасау қолжетімді ортаны және тиісті медициналық және оңалту көмегін қамтамасыз етуді қамтиды. Бұл халықаралық адам құқықтары стандарттары шеңберіндегі мемлекеттің міндеттемесі ғана емес, оларды қайта әлеуметтендіру жолындағы маңызды қадам.

Ақпарат көзі: Қазақстан Республикасындағы Адам құқықтары жөніндегі уәкіл