2024 жылғы 22-24 мамыр аралығында Самарқанд қаласында (Өзбекстан) ұйымдасқан қылмыстың алдын алу мен оған қарсы күрестегі адам құқықтары және гендерлік факторларды есепке алу бойынша өңірлік іс-шара өтті.

БҰҰ-ның Есірткі және қылмыс жөніндегі басқармасы ұйымдастырған жиынға Орталық Азия және Оңтүстік Кавказ елдерінің сарапшылары, сонымен қатар Қазақстан Республикасындағы Адам құқықтары жөніндегі уәкіл кеңсесінің өкілі Болат Бейісов қатысты.

Іс-шара барысында қатысушылар негізгі ұсынымдарды талқылап, ұйымдасқан қылмыстың алдын алу және оған қарсы күрес шеңберінде адам құқықтары мен гендерлік проблемаларды есепке алу мәселелері мен мүмкіндіктерін қарастырды. Сонымен қатар осы саладағы озық тәжірибелермен алмасты.

Болат Бейісов өз кезегінде қылмыстың алдын алу және оған қарсы күрес саласындағы жағдайды жақсарту бойынша, соның ішінде Ұйымдасқан қылмысқа қарсы күрес жөніндегі ұлттық үйлестіру кеңесін құру, деректер алмасу тактикасын әзірлеу және жетілдіру және келісілген жедел-процессуалдық шараларды жүзеге асыру сияқты бірқатар ұсыныстар енгізді.

Ақпарат көзі: Қазақстан Республикасындағы Адам құқықтары жөніндегі уәкіл