Адам құқықтары жөніндегі уәкілдің Алматы қаласы бойынша өкіліне сот шешімінің орындалмағаны туралы шағым түсті.

Өтініште жеке сот орындаушысының арызданушы мен оның әйелі қатысқан жазатайым оқиғаға кінәлі тұлғадан материалдық залалды өндіру туралы сот шешімін бірнеше жылдан бері орындамай келе жатқаны айтылған.

Ол мемлекеттік органдарға жүгінгенімен, еш нәтиже бермеген. Осыны ескере отырып, арызданушы жеке сот өндірісінің «Атқарушылық іс жүргізу және сот орындаушыларының мәртебесі туралы» Қазақстан Республикасы Заңына сәйкестігін тексеруге жәрдемдесуді сұрады.

Оқиғаға жауапты тұлға жұмыс істейтін ұйымның кадр қызметі өкілінің көмегімен жол ережесін бұзған айыптымен профилактикалық әңгіме жүргізілді.

Алматы қаласы бойынша ЖСО өңірлік палатасында тәртіптік комиссия құрылып, жеке сот орындаушысының іс-әрекетінде заң бұзушылықтар анықталды. 

Нәтижесінде жеке сот орындаушы тәртіптік жауапкершілікке тартылды.

Арызданушыға келтірілген материалдық шығын толығымен өтелді.

Ақпарат көзі: Қазақстан Республикасындағы Адам құқықтары жөніндегі уәкіл