ҚР Стратегиялық жоспарлау және реформалар агенттігінің төрағасы Жандос Шаймарданов пен CSI аға серіктесі Олжас Құдайбергенов 2029 жылға дейін елдегі инвестициялық ахуалды жақсарту мәселелерін талқылады.

2029 жылға дейінгі Ұлттық даму жоспары туралы айта келе, Олжас Құдайбергенов Жоспар ағымдағы жағдайды толық көрсететінін және стратегиялық жоспарлаудың жоғарғы деңгейлі құжатының параметрлеріне сәйкес келетінін атап өтті.

Кездесу барысында еліміздің қаржылық тартымдылығына ауқымды талдау таныстырылды, онда қойылған міндеттерге қол жеткізу бойынша қазіргі үрдістер, сын-тегеуріндер мен ұсыныстар көрсетілді.

Нақты позициялау, салалар бойынша инвестицияларды әртараптандыру, негізгі инвесторлардың нысанасы және капитал салымдары үшін экожүйені дамыту мәселелері талқыланды.

Кездесу қорытындысында тараптар жол картасына байланысты өз ескертулері мен ұсыныстарын білдірді, сондай-ақ, егжей-тегжейлі зерделеуді жалғастыруға келісті.

Ақпарат көзі: Қазақстан Республикасының Стратегиялық жоспарлау және реформалар агенттігі