Жалпы халық саны 2217 болатын аталған екі ауылда бұрын соңды су құбыры болмаған.

Биыл Мемлекет Басшысының әр үйге таза ауыз су беру жөніндегі тапсырмасына сәйкес Айнакөл ауылында 11 км және Қараөзек ауылында 14 км су құбырын тарту жұмыстары аяқталып, ауыл халқына таза ауыз су толықтай берілді.

«Біздің арманымыз орындалды, ауыл тұрғындары атынан алғысымызды білдіреміз.  Өйткені сусыз өмір жоқ қой. Ауылымыз шалғайда, ауылымыз алтын бесігіміз. Ауылдың келешегіне сенеміз, жастарымыз қайтып келсе екен дейміз. Сондықтан өте қуаныштымыз»  - деді Айнакөл ауылының тұрығыны Айман Жылқыбаева.

Айта кетейік биыл аудан бойынша 9 елді мекенде су құбырын тарту бойынша жұмыстар басталды. Олардың ішінде екі ауылда су құбыры тартылып бітсе, тағы екі ауылда ағымдағы айдың соңына дейін аяқталады деп жоспарланған. 

Ақпарат көзі: ГУ «Аппарат акима Акмолинской области»