Өңір басшысы Асхат Шахаров Бесқоспа ауылдық округінің Есет батыр ауылында орналасқан «Көсем» бөгетінің жай-күйін тексерді.

Былтыр гидротехникалық құрылым жөндеуден өтті. Жұмысты «СК Гранд канал» ӨК жүргізді. Сол кезде Табиғи ресурстар және табиғатты пайдалануды реттеу басқармасының басшысы Сәбит Дүйсекеновтің айтуынша, жаңа су бұрғыштар салынды, табиғи су арнасы (дренаж) жаңартылды және бетондалды, шағын көпір - акведук салынды. Сонымен қатар, қорған аумағы көтеріліп, кеңейтілді. Барлық жұмыстарға 279 млн теңгеден астам бюджет қаражаты бөлінді.

Алайда, нығайту жұмыстарына қарамастан, су тасқыны кезінде бөгет бұзылды. Шарт бойынша кепілдік міндеттемелеріне сәйкес, мердігер бөгетті қалпына келтіреді.

Облыс әкімі бөгеттің жай-күйін қарап, «Көсем» бөгетін жөндеу бойынша жұмыс жобасын қайта қарауды тапсырды.

«Бөгет бұзылғанымен, қауіп төнген ауылдарға су жеткен жоқ. Мердігер компания міндеттемесінің аясында

бөгетті жөндеп жатыр. Десек те, жобаны қайта қарау қажет. Ауыл ақсалдары, жергілікті тұрғындардың ұсынысын, кеңесін тыңдап отырған жөн. «Көсем» бөгетін қалыпқа келтірмей, «Шолақтың» жөндеу жұмыстарына кіріспеу керек», - деді Асхат Шахаров.

Ақпарат көзі: ГУ «Акимат Актюбинской области»