Алматыда 15 қыркүйек күні сағат 19:00-де Қала күніне және жаңа театр маусымының басталуына орай Абай атындағы Қазақ ұлттық опера театры ашық аспан астында «Мұра» гала-концертін өткізеді. Оған Қазақстанның Халық әртісі Нұржамал Үсенбаева, Қазақстанның еңбек сіңірген қайраткерлері Жәмилә Баспақова, Гүлзат Даурбаева, «Құрмет» орденінің иегері Зарина Алтынбаева, халықаралық байқаулардың жеңімпаздары Нұржан Бажекенов, Фархад Кубиев, Венера Алпысбаева және басқа да опера және балет жұлдыздары қатысады.

Айта кетерлігі, осы іс-шараның өтуіне байланысты 15 қыркүйекте сағат 17:00-ден 23:00-ге дейін Қабанбай батыр көшесі Абылай хан даңғылынан бастап Назарбаев даңғылына дейін жабылады деп күтілуде.

Гала-концертті Абай атындағы ҚазҰОБТ мен Алматы қаласының әкімдігі бірігіп ұйымдастыруда. Бағдарламаның әрбір нөмірі опералар мен балеттердің үздік үзінділерін қамтиды. Ашық аспан астындағы айналмалы сахнада көрермендерге классикалық және заманауи сценография әлемінің үздіктері ұсынылады. Гала-концерттің дирижері-Қазақстанның еңбек сіңірген қайраткері Нұржан Байбосынов.

Сонымен қатар, өнер ошағының жаңа 91 маусымы мен Қала күнінің басталуына арналған іс-шара тұрғындар мен қонақтарға ұмытылмас жарық шоу ұсынады. Оны жасау үшін танымал жарық суретшісі, беделді «Алтын маска» театр сыйлығының иегері, көптеген халықаралық жобалардың қатысушысы Татьяна Мишина шақырылды.

«Абай атындағы театр - өнердің бірегей бесігі. Оның басты мақсаты – болашақ ұрпаққа киелі сахна виртуоздарының шеберлігін ояту, 90 жылдық әдемі дәстүріміздің көрнекі жаңалығын қалыптастыру, сүйікті көрермендерімізбен байланысты нығайту және театрдың терең тарихын байыту», - деп атап өтті Абай атындағы ҚҰОБ-ның директоры Айнұр Көпбасарова.

Өтетін орны: Абай атындағы қазақ ұлттық опера және балет театры алдындағы алаң (Қабанбай батыр көшесі, 110).

Ақпарат көзі: КГУ «Аппарат акима города Алматы»