Ұлытау облысының Жаңаарқа кентінде белгілі жазушы, ғалым Ақселеу Сейдімбекке арнап ескерткіш қойылды. Этнографтың бейнесін туған жерінде тұғырға қондыру идеясы мен атқарылған жұмыстары Ақселеу Сланұлының балалары және туыстарының қолдауымен жүзеге асты.

Ескерткіштің жалпы биіктігі - 3.9 метр болса, мүсін 2.2 метр. Ал астындағы тұғыры 1.7 метрді құрайды. Авторы - елімізге белгілі мүсінші Талапхан Азамат. Қоладан құйылған туындының айналасы абаттандырылып, аумағына тас төселген.

Әдебиеттанушы, философ есерткішінің ашылу салтанатына елімізге танымал зиялы қауым өкілдері, ғалымдар мен зерттеушілер, қоғам қайраткерлері, туыстары мен жазушының шығармашылығын қастерлейтін жандар жиналды.

Айта кетейік, аталмыш ескерткіш жобасы ҚР Мәдениет және ақпарат министрлігінің жанындағы ескерткіштер мен монументтер жөніндегі мемлекеттік комиссияның 11.12.2023 жылғы отырысында қолдау тапқан болатын.

Ақпарат көзі: Ұлытау облысының әкімдігі