Аудандық пайдалану бөлімдері мен жол-пайдалану учаскелері бастықтарының оқу-жаттығу жиындары Қорғаныс министрінің тыл және әскери инфрақұрылым жөніндегі орынбасары генерал-лейтенант Қаныш Әбубәкіровтің басшылығымен өтті.

Жиында 2023-2024 жылдардағы жылыту кезеңінің қорытындылары шығарылып, келесі маусымға дайындыққа байланысты міндеттер айқындалды. Сонымен бірге алдағы 2025-2027 жылдарға арналған бюджетті жоспарлау мәселелері қаралды. Бұл ретте коммуналдық ресурстарды үнемдеуге, энергия үнемдейтін технологиялар мен баламалы энергия көздерін енгізуге баса назар аударылды. Қорғаныс министрлігінің балансындағы қазандықтарды газдандыру да талқылаудың негізгі тақырыптарының біріне айналды. Қазіргі таңда 60-тан астам қазандықты газға ауыстыру қажет екенін атап өту керек.

Жиынға қатысушылар сондай-ақ модульдік ғимараттарды пайдалануға қабылдау және күрделі жөндеу жүргізу сұрақтары мен алгоритмдерін талқылады.

Мемлекеттік сатыпалымды ұйымдастыру, бюджетті жоспарлау, автомобиль және арнайы техниканы пайдалану және ұстау саласындағы білім өзектендірілді.

Жиынға қатысушылармен кездесуде Алматы өңірлік гарнизоны әскери полициясының әскери қызметшілері оларды сыбайлас жемқорлыққа қарсы саладағы заңнама талаптарымен таныстырып, әкімшілік және қылмыстық жауапкершілікке тартылуы мүмкін құқық бұзушылықтардың себептеріне толық талдау жасады.

– Оқу-жаттығу жиындары білім қорын толықтыруға, мамандарымыздың құзыреті мен дағдыларын арттыруға арналған. Сабақтар пайдалану бөлімдері мен учаскелер қызметінің тиімділігін арттыруға бағытталды. Бұл өз кезегінде әскери инфрақұрылымның жай-күйіне оң әсерін тигізеді, – деп қорытындылады генерал-лейтенант Қаныш Әбубәкіров.

Ғимараттар мен құрылыстарды пайдалану мен күтіп-ұстауға, объектілерді қабылдауға, жиһаз бен қоршаулар жасауға, сондай-ақ алдағы 2024-2025 жылыту кезеңіне дайындыққа байланысты мәселелерді талдағаннан кейін пайдалану бөлімдерінің бастықтары дене шынықтыру дайындығы бойынша сынақтардан өтті.

Ақпарат көзі: Министерство обороны Республики Казахстан