Алматы қаласының ТЖД және «Қазселденқорғау» ММ Ақсай өзенінің бассейнінен Кіші Алматы өзенінің бассейніне дейін Іле Алатау жотасындағы биік таулы моренді көлдер мен мұздықтардың жағдайын тікұшақпен тексеріп шықты. Сонымен қатар, селден қорғау нысандары да қаралды.

Алматының тау бөктерінде  барлығы 51 моренді көл бар, оның алтауы – ең серпінді. Бұл Кіші Алматы өзені бассейніндегі №6 көл; Үлкен Алматы бассейніндегі № 10, 13-бис көлдері және Ақсай өзені бассйніндегі № 8, 9, 10 көлдері.

Қазіргі уақытта Алматы қаласындағы сел қаупі тұрақты және ерекше бақылауда. Көлдердің көп бөлігі 65-70% - ға толады - су деңгейі қауіпсіз белгілерде. Қазіргі кезде тауларда ауа температурасы 5-6°С құрайды.

Шілдеде биік таулы аймақтағы орташа айлық температура 7-15°с шегінде ауытқиды. «Қазгидромет» РМК ұзақ мерзімді болжамы бойынша жазғы кезеңде тауларда ауа температурасының жоғарылауы күтіледі, кейде нормадан жоғары (22°С дейін). Сел шығарындыларының алдын алу үшін биыл моренді көлдердің суы ағызылады.

Алматының жергілікті бюджет резервінен осы мақсаттарға қаражат бөлінді. Бұл қаражатқа су ағызу арналарын тазарту және тереңдету үшін өнімділігі жоғары сорғылар, сифон құбырлары, дәнекерлеу аппараттары және басқа да жабдықтар сатып алынады.

«Қазселденқорғау» ММ мамандары 10 тұрақты және 3 маусымдық постарда бақылау жүргізеді. 20 маусымнан кейін қалған 10 маусымдық постта бақылау басталады.

Алматы қаласындағы сел қаупі бар жағдай ТЖД мен «Қазселденқорғау» АҚПТБ ММ ерекше бақылауында.

Алматы қ. ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан