Алматыда Азаматтық қорғау жүйесінің жойқын жер сілкінісі кезіндегі зардаптарын жоюға дайындығын тексеру бойынша практикалық іс-қимылдар жүргізілді.

Оқу-жаттығудың мақсаты – қалалық қызметтерінің өзара  іс-қимыл бойынша жоспарын нақтылау және Алматы қаласының аумағында орналасқан ТЖМ бөлімшелерінің іс-әрекетін пысықтау.                 

 Оқу-жаттығу аясында полигонда зардап шеккен халықты қабылдау үшін шатырлы лагерь құрылды. Тіршілік әрекетін қамтамасыз ету үшін Апаттар медицинасы орталығы мен құтқару қызметінің далалық госпитальдары орналастырылды. Алматы қаласы ТЖД медицина қызметкерлері мен Алматы қ. ТЖД психологтары шартты түрде халыққа медициналық және психологиялық көмек көрсетті.

Сондай-ақ, қала бойынша жер сілкінісі кезінде халықты іс-қимыл дағдыларына үйрету мақсатында сейсмикалық жаттығулар өткізілді, сонымен қатар қауіпсіз орындарға эвакуациялай отырып, зардап шеккен халықты қабылдау пункттері ұйымдастырылды.

Алматы қ.ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан