Жазғы демалыс қарсаңында ТЖМ құтқарушылары түрлі креативті акцияларды ойлап табуда, олардың мақсаты-балалардың өрттен, су қоймаларында, балалардың терезеден құлауының алдын алу болып табылады.

Алматы қаласы ТЖД Наурызбай ауданы басқармасының қызметкерлері алдын алу жұмыстарына креативті түрде келіп, көпқабатты үйлердің бірінің балалар ауласын кино көрсету, галерея және сабақтарға бейімдеді. Тек осы ауданда 370-тен астам тұрғын үй кешені орналасқан.

«Шұғыла city» тұрғын үй кешенінің балалары үшін кешкі сеанс – «Балалардың отпен ойнауы», «Сіріңке – балаларға ойыншық емес», «Судағы қауіпсіздік» және т.б. анимациялық фильмдер көрсетілді.  Ересектер назардан тыс қалмады-тұрғындарға ашық терезелердегі балалардың қауіпсіздік шаралары туралы айтылды.

Аудандағы құрғақ шөптердің жиі туындап тұратын өрттерді ескере отырып, профилактикалық әңгіме барысында құрғақ өсімдіктерді өртеу мәселелеріне ерекше назар аударылды, балалар мен ересектерге осындай бұзушылықтар үшін әкімшілік жауапкершілікке тарту туралы ақпарат түсіндірілді.

Тұрғындар мұндай шараларды жиі өткізуді ұсына отырып, ерекше қауіпсіздік шарасын қолдады.

Алматы қаласы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан