Қарағанды TEN QOGAM мүгедек адамдарды әлеуметтік бейімдеу орталығында 20 қыркүйек күні сағат 15:00-де ашық есік күні өтеді. Кездесуге мүмкіндігі шектеулі келушілердің сұрақтарына жауап беретін мемлекеттік органдардың өкілдері шақырылды.

Мүгедектігі бар қарағандылықтарға келесі мамандар кеңес береді:

- жұмыспен қамтуды үйлестіру және әлеуметтік бағдарламалар басқармасы (оңалту үшін техникалық жабдықтар алуға көмек, мемлекеттік қолдау шаралары бойынша кеңес беру);

- денсаулық сақтау басқармасы (медициналық қызмет алуға көмек);

- еңбек және әлеуметтік қорғау департаменті (мүгедектерді әлеуметтік қорғауға көмек, мүгедектік тобын беру мәселелері бойынша кеңес беру);

- халықты жұмыспен қамту және әлеуметтік бағдарламалар бөлімі (санитарлық-курорттық емдеуге көмек, Қарқаралы қаласындағы оңалту орталығына құжаттарды тапсыру, оңалту құралдары және т. б.);

- тұрғын үй қатынастары бөлімі (тұрғын үй мәселелері бойынша кеңес беру);

- Қарағанды Мансап орталығы (жұмысқа орналасуға көмек).

"Іс-шараның мақсаты мүмкіндігі шектеулі жандардың көкжиегін кеңейту, олардың қоғамға сіңісуін жақсарту және мемлекеттік органдармен тікелей байланыс орнату болып табылады. Ниет білдірушілер келіп, өз сұрақтарын қоя алады, олар барлық қажетті ақпаратты алып, қолдауға ие болады", – деп атап өтті TEN QOGAM орталығында.

Ақпарат көзі: ГУ «Аппарат акима Карагандинской области»