ҚАРАҒАНДЫ ИНДУСТРИЯЛЫҚ УНИВЕРСИТЕТІНДЕ «QAZTEHNA» ЖШС МАМАНДАНДЫРЫЛҒАН ЗЕРТХАНАСЫ АШЫЛДЫ

Теміртау қаласында Қарағанды индустриялық университеті мен «QazTehna» ЖШС автобус және арнайы техника зауытында арасындағы ынтымақтастықтың жаңа кезеңі басталды. QazTehna корпоративтік университеті мен ҚарИУ бірлескен жұмысының нәтижесінде «Автомобиль жасау» мамандығы бойынша бакалавриат білім беру бағдарламасы іске қосылды, алғашқы студенттер оқуларын бастады.

Бұл бағдарламаның ерекшелігі студенттер үш негізгі модуль – жеңіл автокөлік, жолаушылар таситын автокөлік және арнайы техника бойынша теорияны оқып қана қоймай, Саран қаласындағы QazTehna зауытында тағылымдамадан өтіп, жұмысқа орналасуға мүмкіндік алады. Қарағанды индустриялық университетінің ректоры Бақыт Жәутіков: «Біз QazTehna компаниясымен серіктестігіміздің қазіргі заманғы еңбек нарығының қажеттіліктеріне жауап беретін автомобиль жасау саласындағы еліміздегі алғашқы білім беру бағдарламасын әзірлеуге ықпал еткенін мақтан тұтамыз.

Бұл өңірдің өнеркәсіптік әлеуетін дамытып, мамандарды даярлау сапасын арттырудағы маңызды қадам. Президентіміз Қазақстан халқына Жолдауында Qarmet және QazTehna кәсіпорындарын жаңғыртудың оң үлгісін атап өтті, Теміртау қаласындағы жалғыз жоғары оқу орны Қарағанды индустриялық университеті – осы кәсіпорындардың стратегиялық серіктесі. Біз Теміртау қаласының, Қарағанды облысының басқа моноқалалары мен аудандарының жастарына әлеуметтік қолдау көрсетумен белсенді айналысамыз», - деп атап өтті.

QazTehna корпоративтік университетінің басшысы Айдос Айтбаев: «Студенттерге тек теориялық білім ғана емес, сонымен қатар өндірісте тікелей қолдана алатын практикалық дағдыларды қалыптастыру біз үшін өте маңызды. Біздің ҚарИУ-мен ынтымақтастығымыз Қазақстанның автомобиль өнеркәсібінің дамуына елеулі үлес қоса алатын жоғары білікті кадрларды даярлаудың негізі болады деп сенеміз», - деді.

Осы серіктестік аясында ағымдағы жылдың 6 қыркүйегінде университет базасында QazTehna зауытының мамандандырылған зертханасы ашылды, бұл ынтымақтастықты одан әрі дамытуға, білім беру және өндірістік кәсіпорындар арасындағы байланысты нығайтуға қосымша ынталандыруға серпін береді. Бұл ынтымақтастық Қазақстанның автомобиль өнеркәсібінің дамуына маңызды үлес қосады және студенттер мен жас мамандар үшін жаңа мүмкіндіктерге жол ашады.

видео

Ақпарат көзі: Қазақстан Республикасы Ғылым және жоғары білім министрлігі