Қарағандылық жазушы Наталья Инжевская "Қауіпті – қауіпсіз" кітаптар сериясын шығарды. Ертегілер балаларға төтенше жағдайда өзін қалай ұстау керектігін үйретеді. Баспа өнімі екі тілде жарық көрді, Салтанат Қайырбек қазақ тіліне аударма жасады. Сондай-ақ, кітаптар негізінде бояғыш кітапшалар дайындалды.

Басылымдар Абай атындағы облыстық балалар кітапханасында таныстырылды.

-  Бұл өте қажет және пайдалы кітаптар, қауіпсіздік туралы балаларға қолжетімді тілде айту керек, - деп есептейді Қарағанды облысының Бала құқықтары жөніндегі уәкілі Ирина Киселева. – Бізде еріктілер – Бала құқығын қорғаушылар альянсы құрылды. Наталья Инжевская бірден оның мүшесі болуға ниет білдірді. Біздің кездесулеріміздің бірінде балалар қауіпсіздігі туралы ертегілер жазу идеясы пайда болды және Наталья оны жүзеге асырды.

Жас оқырмандар: "Думан" балабақшасының тәрбиеленушілері және Шәкәрім атындағы мектеп-гимназиясының үшінші сынып оқушылары кітап бойынша қойылым сахналады.

Балаларға түрлі-түсті бояғыштар мен түрлі-түсті бетбелгілер берілді.

"Қауіпті – қауіпсіз" ертегілер сериясы орыс және қазақ тілдерінде 6 кітаптан тұрады. Тақырыптар әртүрлі: жол қауіпсіздігі ережелері, тұрмыстық техниканы пайдалану, салауатты өмір салты, құрдастарымен қарым-қатынас.  Сондай-ақ, терезелерге жақындауға, бейтаныс адамдармен телефон арқылы сөйлесуге және отбасы туралы бірдеңе айтуға болмайтыны және т. б. тақырыптар қамтылған.

Наталья Инжевская – балалар мен ересектерге арналған шығармалары тек Қазақстанда ғана емес, одан тыс жерлерде де оқырмандар тарапынан танылған белгілі қарағандылық жазушы.

Ақпарат көзі: ГУ «Аппарат акима Карагандинской области»