Қарағандыда 2 қазанда Кеншілер мәдениет сарайында әнші, композитор Ерслан Жақыпхановтың "Сен деп соққан жүрегім...” атты шығармашылық кеші өтеді.

Концерттің басталуы сағат 18:30-да. Кіру тегін.

Ерслан Жақыпхановтың әндері шырқалады. Шығармашылық кештің кейіпкерімен бірге басқа орындаушылар өнер көрсетеді.

Ерслан Жақыпханов - музыкант-педагог, 20 жылдан астам уақыт М. Мамыраев атындағы мектеп-интернатта жұмыс істейді. Ол Қарқаралы ауданының тумасы. Қарағанды гуманитарлық колледжінің түлегі. Музыкалық және әншілік таланты арқасында танылған. Ақын Дәулет Рысбайұлының сөзіне жазылған "Сен деп соққан жүрегім" атты алғашқы туындысы шығармашылық әлеміне жол ашты. Бүгінде композитордың әндері концерттерде жиі орындалады. Ерслан Жақыпхановтың шәкірттері өнер саласында табысты жұмыс істеуде.

Ақпарат көзі: ГУ «Аппарат акима Карагандинской области»