Қарағанды облысының командасы Өскеменде өткен садақ атудан ҚР чемпионатынан бес медальмен оралды және жалпы есепте төртінші орынға табан тіреді. Жарысқа барлығы 300-ге жуық жас спортшы қатысты.

Екі алтын медальді Амина Асланова жеңіп алды. 14 жастағы спортшы садақ атумен 10 жасынан бастап "Қайрат" спорт мектебінде айналысады. Ол "қалқан" және "жамбы" нысанасына 20 метрден түсіп, тамаша нәтиже көрсетті.

– Мені чемпионатқа жаттықтырушым Кая Мазнева дайындады. Ол мені бүкіл командам сияқты ынталандырды және қолдады. Маған бұл спорт өте ұнайды: мен өткенге шомғандай боламын. Бұған дейін ел чемпионатына қатысып, үшінші орын мен Гран-при жеңіп алған болатынмын. Мен спорт шеберіне үміткермін. Мақсатым – спорт шебері болу, – деп бөлісті Амина.

17 жастағы Армана Нұрланова командаға тағы бір алтын әкелді. Ол да "Қайрат" спорт мектебінде 4 жыл айналысады. Бойжеткеннің спортқа деген сүйіспеншілігін анасы оятқан екен.

– Анам өмір бойы ат спортымен айналысады және мен үшін үлгі болды. Садақ атуда өзімді сынап көруді шештім. Мені керемет мұғалім Надежда Кефер жаттықтырады. Бұл менің 25 метрден "жамбы" нысанасына соғылған ең үлкен жеңісім. Тарих пәнінің мұғалімі болуды жоспарлап, спортпен шұғылдануды жалғастырамын, – дейді бойжеткен.

Айым және Кәусар Байжановалардың қоржынында екі қола медаль. 

Қыздар Ботақара кентінде тұрады, оларды "Қайрат" спорт мектебінің тәрбиеленушісі Айдархан Әбрахманов жаттықтырады.

– Қарағанды облысындағы біріншілікке қатысу үшін балаларды іріктеу жүргізілді. Қарағанды, Шет, Бұқар Жырау және басқа да аудандардың жас спортшылары қатысты. 30-дан астам үздік мергендер анықталды. Чемпионатта 10 жасқа дейінгі балалар 10 метрден, 10 жастан 12 жасқа дейін – 15 метрден, 13 жастан 15 жасқа дейін – 20 метр қашықтықтан және 16 жастан 17 жасқа дейін – 25 метрден атқан. Үш нысана бойынша бақ сынасты: "жамбы", "туто" және "қалқан". Ең қиыны жамбы ату болды: нысана жіпке ілініп, желден шыр айналып тұрады, – деді облыстың аға жаттықтырушысы Ольга Ковалева.

Ақпарат көзі: ГУ «Аппарат акима Карагандинской области»