22 мамырда Өңірлік коммуникациялар қызметінде Қарағанды облысы ТЖД бастығының орынбасары Аманбек Бейсембаев журналистердің өңірдегі өрт қауіпті кезеңнен өтуі жөніндегі сұрақтарына жауап берді.

Өрт қауіпті кезеңі басталғаннан бері облыс аумағында жалпы ауданы 0,07 га 2 орман өрті орын алды. Дала өрттері мен жанулар тіркелген жоқ. Қазіргі уақытта өрт ошақтары жоқ.

Табиғи өрттерге жедел ден қою үшін Департаментте жедел Штаб құрылды. Азаматтық қорғау органдарының, жергілікті атқарушы органдардың, табиғат қорғау мекемелерінің күштері мен құралдары тұрақты дайындықта, құрамында 4 мың адам және 322 бірлік өрт сөндіруге арналған техника бар. Шамамен 772  адамнан тұратын рейдтік іс-шараларды өткізу үшін 130 мобильді топ құрылды.

Өрт қауіпті кезең басталғаннан бері осы мобильді топтармен халықпен үгіт-түсіндіру жұмыстары белсенді жүргізілуде, 8 мыңнан астам адамды қамти отырып, 400-ден астам профилактикалық іс-шаралар  өткізілді.

Рейдтік іс-шаралар кезінде саяжай учаскелерінің аумағында құрғақ шөптер мен қоқыстарды жағу кезінде өрт қауіпсіздігі ережелерін бұзудың 4 фактісі анықталды  кінәлі тұлғалар әкімшілік жауапкершілікке тартылды.

Жыл сайын ТЖД су тасқыны және өрт қауіпті кезеңдерде ТЖ космомониторингін жүргізу жөнінде шарт келісіледі. Сондай-ақ, күн сайын ТЖД қызметкерлері ТЖМ Геосервис платформасы бойынша өрт жағдайына ішкі бақылау жүргізеді.

Облыстың барлық қалалары мен аудан орталықтарында селитебтік аумақтар мен ірі өнеркәсіптік объектілерді өртке қарсы қорғауды қамтамасыз ету үшін ТЖД 30 өрт сөндіру бөлімдері орналастырылды. Өртке қарсы қызмет бөлімшелері жоқ жерде 51 жергілікті атқарушы органдардың өрт сөндіру бекеті жұмыс істейді. Ағымдағы жылға арналған жоспарда Осакаров, Қарқаралы, Нұра және Шет аудандарының аумағында тағы 6 бекет құру көзделген.

Табиғатты қорғау мекемелерін, азаматтық қорғау органдарының қызметкерлерін, ерікті өртке қарсы құралымдардың мүшелерін және облыстағы жергілікті атқарушы органдардың өрт сөндіру бекеттерін техникамен және өртке қарсы жабдықпен жарақтандыру шеңберінде өрттерге қарсы күрес жоспары жұмыс істейді. Ағымдағы жылы 65 бірлік техника, 918 бірлік жабдық сатып алу, 1 орман өрт сөндіру станциясын салу және 4 ерте анықтау камерасын орнату жоспарланған.

Қарағанды облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан