Қарағанды қаласының орталық саябағында Қарағанды облысы ТЖД Жедел-құтқару жасағының құтқарушылары «Евразия» бірінші арнасы» телеарнасының «Қауіпсіздік сабақтары» телебағдарламалар циклі аясында №93 мектеп-гимназия оқушыларымен «Суға шомылу маусымы кезіндегі мінез-құлық» тақырыбында сабақ өткізді.  

Сабақ барысында балаларға судағы мінез-құлықтың негізгі ережелері, атап айтқанда суда апатқа ұшыраған жағдайда өзін қалай ұстау керектігі айтылды. Іс жүзінде суға батып бара жатқан адамға қалай дұрыс көмек көрсету керектігі көрсетілген. Суда құтқару құралдарын қолдану тәсілдері, құтқару шеңбері, құтқару кеудешесі туралы түсіндірді.

Судағы қауіпсіздігі көптеген жағдайларда сізге байланысты!

Қарағанды облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан