ҚАРАҒАНДЫ ТЕХНИКАЛЫҚ УНИВЕРСИТЕТІ КОНДЖУ ҰЛТТЫҚ УНИВЕРСИТЕТІМЕН КЕЛІСІМГЕ ҚОЛ ҚОЙДЫ

Әбілқас Сағынов атындағы Қарағанды техникалық университеті ҚР Ғылым және жоғары білім министрлігі және ҚР Премьер-Министрінің бірінші орынбасарының кеңесшісі Ким Чжин-Ха қолдауымен Конджу ұлттық университетімен (Kongju National University) Бас келісімге қол қойды.

Kongju National University өз жұмысын 1948 жылы бастады және қазіргі уақытта Кореяның ұлттық және мемлекеттік университеттері арасында 9-шы орында, Гонджу, Чхонане, Есане және Седжоне қалаларында кампустары бар Чунчхоннамдо провинциясында орналасқан. Конджу ұлттық университеті – Оңтүстік Кореядағы білім беру саласындағы жетекші ұлттық зерттеу университеттерінің бірі.

2014 жылы Халықаралық білім беру сапасын қамтамасыз ету жүйесі бойынша сертификатталған. Бас келісім шеңберінде келесі бағыттар бойынша академиялық алмасулар және қос диплом бағдарламалары көзделген: - «Машина жасау» (бакалавриат, магистратура); - «Ақпараттық жүйелер» (магистратура); - «Құрылыс» (бакалавриат); - «Тіршілік қауіпсіздігі және қоршаған ортаны қорғау» (бакалавриат).

Сондай-ақ келісім аясында бірлескен ғылыми зерттеулер жасап, корей тілін үйрену орталығын құру қарастырылған.

Ақпарат көзі: Қазақстан Республикасы Ғылым және жоғары білім министрлігі