Армия спортшысы Әсем Орынбай жыл нәтижесі бойынша Азия рейтингінде бірінші орынға көтерілді
Армия спортшысы Әсем Орынбай жыл нәтижесі бойынша Азия рейтингінде бірінші орынға көтерілді
Азия атқыштар конфедерациясы (ASC) 2024 жылғы рейтингін жариялады. Онда Орталық спорт клубының спортшысы кіші сержант Әсем Орынбай «скит» бойынша әйелдер арасында 1722 ұпаймен бірінші орынды иеленді.
Екінші орынға 1627 ұпаймен Катар атқышы Әл Шаршани Рим тұрақтаса, үшінші орынға 1500 ұпай жинаған қытайлық Гао Цзинмей жайғасқан.
– 2024 жыл тартысты өтті. Менде күнделікті жаттығулар мен жарыс кестесі болды. Дұрыс жоспарланған дайындық пен қатаң тәртіп нәтиже берді. Күш-жігерімнің осылай бағаланғанына қуаныштымын, – деді Ә. Орынбай.
Естеріңізге сала кетейік, биылғы қазан айында Әсем Орынбай 15 елден 200-ден астам спортшы қатысқан Азия кубогында үш алтын жеңіп алған болатын.
Азия ойындарының үш дүркін жүлдегері, Әлем чемпионаттары мен кубоктарының жүлдегері, Әлем кубогының чемпионы, Токио мен Париждегі Олимпиада ойындарына қатысушы Әсем Орынбай «скит» және стендтік ату пәндерінде өнер көрсетеді.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
