Қарттар күні қамқорлықпен және жылулықпен атап өтілді

Халықаралық қарттар күнін мерекелеу аясында Көкшетау қаласы әкімінің орынбасары Даниярбек Нұрсейітов «Клуб долголетия. Круг друзей» деп аталатын «Өмір» қоғамдық бірлестігіне барды. Бұл егде жастағы адамдарды достық, қарым-қатынас және позитивті атмосфераға біріктіретін маңызды шара болды.

Шара барысында әкімнің орынбасары клуб қатысушыларына қариялардың өмірлік тәжірибесін мойындау мен құрметтеуді білдіретін гүлдер мен азық-түлік себеттерін табыс етті.

"Сіздерді Халықаралық қарттар күнімен құттықтаймын! Аға буынның баға жетпес үлесінің арқасында бүгін біз еліміздің тарихи жетістіктерін арттырдық. Сіздерге шын жүректен зор денсаулық, бақыт, жақсылық және амандық тілеймін-деді Даниярбек Нұрсейітов.

Іс-шараны ұйымдастырушылар қарт адамдар үшін қолайлы орта құрудың, олардың қоғамдық өмірге белсенді қатысуы мен дене белсенділігінің маңыздылығына назар аударды.

«Өмір» клубы физиотерапия, йога, би, скандинавиялық серуендеу, арт-терапия, еңбек терапиясы және вокал сияқты түрлі сабақтарды ұсынатынын айтып өткен жөн. Қазіргі уақытта клуб 84 қызмет алушыға қызмет көрсетіп, олардың белсенді және бай өмірін қамтамасыз етеді.

Мереке көптеген жағымды әсер қалдырған және барлығын жағымды эмоциялармен қуаттандырған жарқын концертпен ұласты.

Ақпарат көзі: ГУ «Аппарат акима города Кокшетау»