ҚАРТУ СТУДЕНТІ «АЛТЫН ГЕФЕСТ» БАЙҚАУЫНЫҢ ЖЕҢІМПАЗЫ АТАНДЫ

  Астана қаласында «Алтын Гефест» байқауының жеңімпаздарын марапаттау рәсімі өтті. Байқау қорытындысы бойынша Әбілқас Сағынов атындағы Қарағанды техникалық университетінің «Руда аэрологиясы және еңбек қорғау» кафедрасының тау-кен факультетінің студенті Адель Дакенованың жұмысы «Жылдың дипломдық жұмысы» атанды.

  Диссертация тақырыбы «Жезқазған аймағын мысалға ала отырып, қоршаған ортаға өнеркәсіп қалдықтарының зиянды әсерін азайту», жетекшісі «Руда аэрологиясы және еңбек қорғау» кафедрасының аға оқытушысы Елена Цешковская.

  «Алтын Гефест» – тау-кен металлургия саласының маңызды оқиғаларының бірі және тау-кен металлургия кешенінің мамандары үшін республикалық маңызы бар, құрметті марапат.

Ақпарат көзі: Қазақстан Республикасы Ғылым және жоғары білім министрлігі