Ақтөбе облысы әкімінің өкімімен Ерік Теміржанұлы Тұрсынғалиев Қаржы басқармасының басшысы лауазымына тағайындалды.

Облыс әкімі Асхат Шахаров жаңа басшысы актив отырысында таныстырды. Ерік Тұрсынғалиевтің алдына бюджеттің тиімді атқарылуы, бюджет қаражатын пайдалану мониторингін жүргізу, коммуналдық меншіктегі нысандар мен мемлекеттік активтерді оңтайлы басқару жөніндегі жұмысты ұйымдастыру  секілді бірқатар міндет жүктеді.

Ерік Тұрсынғалиев 1988 жылы дүниеге келген. Білімі – жоғары. 2009 жылы - Қазақстандық менеджмент, экономика және болжау институтын, 2010 жылы - Л.Н.Гумилев атындағы Еуразия ұлттық университетін, 2013 жылы - Қ.Жұбанов атындағы Ақтөбе мемлекеттік университетін тәмамдаған.

Еңбек жолын 2009 жылы «Olympex Advisers» ЖШС ассистент, кеңесші болып тастаған.

2012 – 2015 жж. ҚР Қаржы Министрлігінің Қаржы бақылау комитетінің сарапшысы, бас сарапшысы; 2015 – 2018 жж. ҚР Қаржы министрлігінің Ішкі мемлекеттік аудит комитетінің Шығыс Қазақстан облысы және Астана қаласы бойынша Ішкі мемлекеттік аудит департаменттері басшысының орынбасары қызметтерін атқарған.

2018-2024 жылдар аралығында Шығыс Қазақстан облысы бойынша тексеру комиссиясының мүшесі, төрағасы болып қызмет етті.

2024 жылдың сәуір айынан бастап осы уақытқа дейiн Ақтөбе облысы әкімінің кеңесшісі қызметін атқарып келді.

Ақпарат көзі: ГУ «Акимат Актюбинской области»