Бұл мақсатта облыста әрбір кәсіпорынды іске қосудың Жол картасы әзірленіп жатыр.

Осы және отандық тауар өндірушілерді қолдаудың тиімділігін арттыру мәселесі облыс әкімі Асхат Шахаровтың төрағалығымен өткен аппарат отырысында талқыланды.

Облыстық индустриалды-инновациялық даму басқармасының басшысы Асқар Әбішевтің айтуынша, өңірде СТ-KZ және өнеркәсіптік сертификаттарына ие 270-ке жуық тауар өндіруші бар. Олар машина құрылысы, металл өңдеу бұйымдарын, химия өнеркәсібі, құрылыс материалдары, азық-түлік, жиһаз, қағаз өнімдері және т.б. салада 8 мыңнан астам тауар түрін өндіреді.   

Жергілікті өнімдерді өткізу мақсатында облыстағы ірі жер қойнауын пайдаланушылармен және қырық жергілікті тауар өндірушілермен үш жақты 9 келісімге қол қойылды. Бұл мақсатта мемлекеттік органдардың, жер қойнауын пайдаланушылардың және инфрақұрылымдық жобалардың сатып алуларына мониторинг жүргізетін комиссия құрылды. Комиссия жергілікті тауарларды, жұмыстарды, қызметтерді өткізуге қатысты мәселелерді тұрақты түрде қарап, көшпелі отырыстар өткізеді.

«Басқа елдерден келетін импорт үлесін азайтуға мүмкіндік беретін оффтэйк-келісімшарттар жасау бойынша жұмыстар белсенді жүргізіліп жатыр. Мәселен, ERG импортты алмастыру бағдарламасы аясында «Қазхром»трансұлттық компаниясы» акционерлік қоғамы мен «Каспий плюс» жауапкершілігі шектеулі серіктестігі арасында 6,5 миллиард теңгеге металл бекіткіштер мен қосалқы бөлшектерді сатып алуға, 892 миллион теңгеге «Қазақстан өнеркәсіп кәсіпорны» жауапкершілігі шектеулі серіктестігінің сорғыларға арналған қосалқы бөлшектерді өндіруге оффтейк шартқа қол қойылды. Сонымен қатар «Самұрық-Қазына» акционерлік қоғамының жергілікті өндірушілермен жаңа өндіріс орындарын құру бағдарламасы шеңберінде «Epsilon group» жауапкершілігі шектеулі серіктестігімен арада химиялық реагенттерді жеткізу бойынша және KDS company» жауапкершілігі шектеулі серіктестігімен арада деңгей өлшегіштерді жеткізу бойынша, басқа да өндірушілермен оффтейк шарттар жасалды», —  деді басқарма басшысы.

Оның сөзінше, жергілікті өндірушілер «Теңізшевройл», «Қарашығанақ Петролеум Оперейтинг» және «North Caspian Operating Company» компанияларының сатып алуларына қатысуға қызығушылық танытып отыр. Осыған орай жер қойнауын пайдаланушылардың сатып алуларға қатысу жөніндегі ұсыныстарын қарастыру бойынша жергілікті тауар өндірушілермен кездесулер өткізілді. Сондай-ақ жергілікті кәсіпкерлерге Qaztrade және KazakhExport желілері арқылы халықаралық нарықтарға шығуға және көрмелерге қатысуға көмектесетін экспортты қолдау бағдарламаларын белсенді пайдалануға мүмкіндік бар. 

Облыс әкімі өңірге инвестиция тарту мәселесін шешіп, отандық кәсіпорындардың қуатын арттыру жұмыстарын күшейтуді тапсырды.

«Инвестициялар аймақтық экономиканың негізгі драйвері болып табылады. Алайда инвестиция тарту жұмыстары тиісті деңгейде емес. Біз инвесторлармен бірнеше кездесу өткіздік, бірақ әзірге нақты жобалар жоқ. «Ақтөбе» әлеуметтік кәсіпкерлік корпорациясына, «Kazakh Invest» акционерлік қоғамына, «Атамекен» палатасына отандық тауар өндірушілерді қолдауды күшейтіп, жұмысы тоқтап тұрған кәсіпорындардың мәселелерін шешуді тапсырамын. Әрбір кәсіпорынды іске қосудың Жол картасын әзірлеу қажет. Индустриалды аймақтың жұмыс көрсеткіші ерекше бақылауда. Әрбір бірегей жоба облыс экономикасына қосымша қаражат әкеледі. Біз бұл бағытта белсенді жұмыс істейтін боламыз», —  деді облыс әкімі.

Ақпарат көзі: ГУ «Акимат Актюбинской области»