Астана қаласының Көлік және жол-көлік инфрақұрылымын дамыту басқармасы Мәңгілік Ел даңғылы мен Сарайшық көшесінің қиылысындағы көлік айрығында жол төсеміне орташа жөндеу жұмысын жүргізіп жатыр, деп хабарлайды елорда әкімдігінің ресми сайты.

Қозғалыс осы жылдың 17 мамыры күні сағат 20:00-ден бастап 20 мамырға дейін ішінара жабылады.

Бұл ретте автокөлік құралдарының қозғалысы екі бағытта да сол жағымен (Түркістан көшесінен Қошқарбаев даңғылына қарай) жүзеге асырылатын болады.

Сондай-ақ, Сарайшық көшесінен Мәңгілік Ел даңғылына дейінгі оң жақ съезі толығымен жабылатын болады. Бұл ретте автокөлік құралдарының қозғалысы жақын арада орналасқан Ақмешіт және Түркістан көшелерінде жүзеге асырылатын болады.

Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.

Ақпарат көзі: ГУ «Аппарат акима города Астана»