Елордалық театрлардың танымал әртістері Астана тұрғындары мен қонақтары үшін ашық аспан астында мерекелік концерттер дайындап жатыр. Олардың қойылымдары үш қысқы қоғамдық кеңістіктердің сахнасында өтеді. Іс-шаралардың бірі Үркер елді мекенінде өтеді, деп хабарлайды елорда әкімдігінің ресми сайты.

Мереке 28 желтоқсанда Үркер елді мекенінде сағат 12:30-да басталды. Концерт Айғыржал көшесіндегі саябақта өтуде. Мұнда Музыкалық жас көрермен театры, Е.Рахмадиев атындағы Мемлекеттік академиялық филармония және М.Горький атындағы Мемлекеттік академиялық орыс драма театрының шығармашылық топтары өнер көрсетуде.

Мерекелік шаралар Жағалау ықшам ауданында жалғасын табады. Мұнда 29 желтоқсан күні сағат 12:00-де Сығанақ көшесі, 1 мекенжайында орналасқан кеңістікте Ә.Мәмбетов атындағы Мемлекеттік драма және комедия театрының әртістері елорда тұрғындары мен қонақтарына өнер көрсетеді.

Айта кетейiк, 28 желтоқсанда Астананың бес орнында концерттер, эстафеталар, көңілді старттар, сыйлықтары және т.б. бар мерекелік бағдарламалар басталды.

Ақпарат көзі: ГУ «Аппарат акима города Астана»