Жаңа жыл қарсаңындағы мерекелік бағдарламалар 28 желтоқсанда Астанадағы бес орында өткізіледі. Тұрғындар үшін концерттер, эстафеталар, көңілді старттар, сыйлықтар дайындалды, деп хабарлайды елорда әкімдігінің ресми сайты.

Елорданың Сарыарқа ауданындағы қалалық алаңда (қала әкімдігінің алдында) шығармашылық ұжымдардың жаңа жылдық бағдарламасы және шайбалы хоккей бойынша кәсіби хоккейшілердің қатысуымен шеберлік сабақ өтті.

Алматы ауданында Тәуелсіздік даңғылындағы Оқушылар сарайының аумағында балалар шығармашылық ұжымдарының қатысуымен мерекелік концерттік бағдарлама аяқталды.

Нұра ауданында "Астана Арена" стадионының тұрағында мерекелік іс-шаралар қатысушыларға арналған сыйлықтармен Көңілді старттардан басталды. Қонақтар үшін конькимен сырғанау бойынша шеберлік сабақ өткізілді, ал кешкі сағат 19.30-дан бастап эстафеталар мен концерттік бағдарлама ұйымдастырылды. Іс-шара сағат 21.00-ге дейін жалғасады.

Сарайшық ауданында "Қазақ Елі" монументінің жанындағы алаңда мерекелік іс-шара өткізілді. Қонақтар көңілді старттарға қатысып, жүлделерді жеңіп алды. Эстрада жұлдыздары мен шығармашылық ұжымдардың қатысуымен концерттік бағдарлама сағат 18.00-ден 20.00-ге дейін өтеді.

Есіл ауданында ЭКСПО аумағындағы мерекелік бағдарлама сағат 16.00-ден басталып, сағат 18.00-ге дейін жалғасады, көрерменді шайбалы хоккейден шеберлік сабақ, жүлделері бар спорттық эстафеталар және концерттік бағдарлама күтеді.

Естеріңізге сала кетейік, орындарда слайдтар, тюбингтер мен конькилерді жалға алу, мұз айдындары, фотоаймақтар және т. б. жұмыс істейді.

Ақпарат көзі: ГУ «Аппарат акима города Астана»