Елордада ЭКСПО алаңында «Қазақстан – бар ғұмырым!» атты алғашқы жастар конвенті өтті. Іс-шараны Жастар саясаты мәселелері басқармасының қолдауымен «Жаңа адамдардар» жастар қозғалысы ұйымдастырды, деп хабарлайды Астана әкімдігінің ресми сайты.

Конвентке еліміздің 20 қаласынан 8000-ға жуық белсенді жас қатысты.

«Бүгін адамдар жаңа танысып, тәжірибе алмасатын конвент өтіп жатыр. Іс-шарадан кейін олар өз қалаларына оралады және жаңа байланыстардың арқасында жаңа жобаларды бастай алады. Әртүрлі аймақтарда орналасқан біздің конвент штабтары бұған көмектеседі. Біздің штабтарымызға жастар келіп, шығармашылықпен айналысып, бір-бірімен әңгімелесіп, елдегі өмірді қалай жақсарту керектігі туралы ойлана алатын кампустарға айналады деп жоспарлап отырмыз», - деп бөлісті «Жаңа адамдар» белсендісі Сағи Саясат.

Конвентке қатысушылар үшін мазмұнды бағдарлама дайындалды. Стильге, білімге, биге, футболға және басқа да іс-шараларға арналған 15 тақырыптық нүкте ұйымдастырылды.

Сондай-ақ іс-шара аясында акционерлер шайқасы өтті. «Жаңа адамдардан» бастап 12 азаматтық компания заңсыз қоқыс үйінділерінен қираған аялдамаларға дейінгі әлеуметтік мәселелерді шешу тақырыбында өз жобаларын ұсынды.

Дауыс беру қорытындысы бойынша жеңімпаз таңдалады, ол өз идеясын іске асыру үшін грант иегері болады.

Іс-шара аясында белсенді жастарға арналған медиа тұлғалар-режиссер Айтөре Жолдасқали, журналист Динара Сатжан, «Орда» тобының солисі Ерболат Беделхан және басқалар сөз сөйледі.

Бірінші жастар конвенті отандық эстрада жұлдыздарының концертімен аяқталды.

Ақпарат көзі: ГУ «Аппарат акима города Астана»