ҚР Заңнама және құқықтық ақпарат институты ҚР Әділет министрлігімен бірлесіп «Жасанды интеллект және құқық: Қазақстан Республикасының және шет елдердің тәжірибесі» тақырыбында халықаралық ғылыми-практикалық конференция өткізді.

Конференцияға қатысушыларға ҚР Әділет министрлігінің Аппарат басшысы С.Ә. Ерсеитова және ҚР Президентінің жанындағы Адам құқықтары жөніндегі комиссияның төрағасы, ҚР Конституциялық Сотының жанындағы ғылыми-консультативтік кеңестің мүшесі, з.ғ.д., профессор И.И. Рогов құттықтау сөз сөйледі.

Іс-шараға ҚР Парламентінің депутаттары, мемлекеттік орган өкілдері, ҮЕҰ және қоғамдық бірлестіктердің басшылары мен өкілдері, көрнекті отандық және шетелдік ғалымдар, сондай-ақ жасанды интеллект элементтерін енгізу және пайдалану мәселелері бойынша сарапшылар қатысты. Олардың ішінде институттың шетелдік серіктестерінің өкілдері, Беларусь Республикасының Ұлттық заңнама және құқықтық зерттеулер орталығы, Ресей Федерациясының Үкіметі жанындағы Заңнама және салыстырмалы құқықтану институты, М.В. Ломоносов атындағы Мәскеу мемлекеттік университеті, Әзірбайжан Республикасының Адам құқығы және құқықтары институты, Новосібір мемлекеттік экономика және басқару университетінің ғалымдары бар.

Жалпы отырыс барысында заң саласында жасанды интеллект алгоритмдерін қолдану мәселелері бойынша Қазақстан Республикасы Жоғарғы Сотының судьясы Абай Рахметулин, Қазақстан Республикасы Парламентаризм институтының директоры, заң ғылымдарының докторы Қанәтике Сафинов, сондай-ақ шақырылған шетелдік сарапшылар баяндама жасады

Конференция барысында жасанды интеллектті құқықтық реттеудің және құқық пен жасанды интеллекттің арақатынасының Қазақстанда мен шет елдерде LegalTech индустриясын дамытудың өзекті мәселелері бойынша пікір алмасу өтті.

Іс-шара қорытындысы бойынша ұсыныстар ескеріліп, барлық қатысушылардың жарияланымдары бар арнайы жинақ шығарылатын болады.

Ақпарат көзі: Министерство юстиции Республики Казахстан