17-22 қыркүйек аралығында Қытайдың Ханчжоу қаласында пара-каратэден Азия чемпионаты өтті. Жарысқа 7 елден келген 30-ға жуық пара спортшы өзара сынға түсті, деп хабарлайды елорда әкімдігінің ресми сайты.

Дүбірлі додада Астана қаласының төрт спортшысы «Ката» санаты бойынша ел намысын қорғап, жеңіс тұғырынан көрінді.

Атап айтқанда алтын медальді көру қабілеті бұзылған спортшылар санаты бойынша өнер көрсеткен Ләззат Жүсіпова алса, екінші алтын жүлдені интеллектуалдық мүмкіндігі шектеулі спортшы Нұржайна Жаннетова иеленді. Тірек-қимыл аппараты бұзылған спортшылар арасында бәсекеге түскен Дидар Мұхамеджанов күміс медальді еншіледі. Тағы бір спортшымыз Билялов Рустам (көру қабілеті зақымданған спортшылар санаты) айтулы доданы 5 орынмен аяқтады.

Ақпарат көзі: ГУ «Аппарат акима города Астана»