Елордада "Орман" профилактикалық іс-шаралары өтті, деп хабарлайды Астана әкімдігінің ресми сайты.

Орман-дала өрттері мен құрғақ өсімдіктердің өртенуіне жол бермеу үшін Астана қаласы Төтенше жағдайлар департаменті "Орман" профилактикалық іс-шараларын өткізді.

Іс-шараға жергілікті атқарушы органдардың, Астана қаласы полиция департаментінің және "Астана-Орманы" ЖШС қызметкерлері қатысты.

Елорданың өртке қауіпті аудандарында өрт қауіпсіздігі талаптары түсіндірілді, жадынамалар таратылып, өрт қауіпсіздігі нормалары мен талаптарын сақтау бойынша ұсыныстар айтылды.

"Табиғатта болған кезде жанып тұрған сіріңкелер мен темекі тұқылдарын тастамаңыз, аң аулауда жанып тұрған материалдардан жасалған қылшықтарды пайдаланбаңыз. Отты тек топырақ қабатына дейін тазартылған жерде жағыңыз. Кетер кезде отты сумен өшіріңіз. Шыны ыдысты және сынған әйнекті қалдырмаңыз. Бықсыған шоқ толық басылғанға дейін от жанған тұсқа ұзындығы 2 метрдей жерге топырақ тастаңыз", - деп ескертті Астана ТЖД мамандары.

Ақпарат көзі: ГУ «Аппарат акима города Астана»