Астана әкімдігінде қала басшысы Жеңіс Қасымбектің төрағалығымен Өңірлік инвестициялық штабтың кезекті отырысы өтті.

Отандық және шетелдік инвесторлардың қатысумен инвестициялық жобаларды іске асыру бойынша ағымдағы мәселелер қаралды. Сондай-ақ бұрын берілген тапсырмалардың орындалуына талдау жүргізілді.

Инвесторлар Астанада жүзеге асырылатын жаңа жобаларды таныстырды. Мысалы, олардың ішінде өндірістік қуаттылығы жылына 80 мың тонна полимерлі битум өндірісі, 7 мың адамды қамтитын спорт орталығы, автомобильдерді ірі тораптық құрастыру зауытының құрылысы, қонақ үй кешендері және т. б. бар.

Отырыс қорытындысы бойынша қала әкімі жергілікті атқарушы органдар мен коммуналдық қызметтер елорда аумағында инвестициялық жобаларды іске асыруда қажетті қолдау көрсетуге дайын екенін атап өтті.

Ақпарат көзі: ГУ «Аппарат акима города Астана»