Облыс әкімінің Астрахан ауданына жұмыс сапары барысында Марат Ахметжанов агробизнес және сервис колледжінің жатақханасына күрделі жөндеу жүргізудің барысымен танысты.

Екі қабатты ғимаратта жөндеу жұмыстары ағымдағы жылдың маусым айында басталды. Мердігер – «KOKNAU-M» ЖШС анықталды, ол жөндеу жұмыстарын ағымдағы жылдың тамыз айының соңына дейін аяқтауды жоспарлап отыр. Жатақхананың жобалық қуаты 150 орынды құрайды.

Мекеме басшысы Валентина Путинцеваның айтуынша, бүгінгі таңда мердігерлік ұйым инженерлік желілер мен терезе блоктарын монтаждау жұмыстарын жүргізуде. Сондай-ақ есіктерді, еденді, қабырға мен төбені, шатырды және т. б. бөлшектеу жүргізіледі.

Өңір басшысы б

ілім

басқармасы

аудан

басшылығымен

бірлесіп

жөндеу барысын бақылауды қамтамасыз етуді және мерзімдердің бұзылуына жол бермеуді тапсырды.

«Оқу жылы басталғанға дейін жөндеу жұмыстары аяқталуы керек. Балалар жайлы жағдайда оқып, өмір сүруі керек. Колледж болашақ агрономдар, ауыл шаруашылығы саласының қызметкерлері үшін тәжірибелік алаңға айналуы тиіс, сондықтан оқу орнын бітіргеннен кейін олар осы жерде алған білімдері мен дағдыларын іс жүзінде қолдана алады», – деп атап өтті облыс әкімі.

Сапар соңында өңір басшысы сүт өнімдерін өндіруге маманданған «Нұр-А» ауылшаруашылық өндірістік кооперативіне барды. Кәсіпорынның жобалық қуаты-тәулігіне 3000 литр. Өнім Астрахань және Егіндікөл аудандарында сатылады, сондай-ақ Астана қаласының сауда нүктелеріне түседі.

Ақпарат көзі: ГУ «Аппарат акима Акмолинской области»