Ақмола облысының әкімі Марат Ахметжанов Атбасар қаласының тұрғындарына жаңа пәтерлердің кілтін табыстады. Жаңа баспана көпбалалы отбасыларға, жетім балаларға, мүмкіндігі шектеулі жандарға және басқа да кезекте тұрған азаматтарға берілді.

Бүгін атбасарлықтар заманауи тұрғын үй кешенінен жаңа пәтер алды. Бұл үй жақында ғана салынған. Пәтерлердің жоспарлануы ыңғайлы, өмір сүруге барлық жағдай жасалған. Өңір басшысы Марат Ахметжанов кілттерді табыстай отырып, халықтың жайлы өмір сүру жағдайын жасау жергілікті атқарушы органдардың басты міндеттерінің бірі екенін атап өтті.

«Өз баспанасына ие болу – әр отбасы үшін үлкен қуаныш. Мемлекет басшысы Қасым-Жомарт Тоқаев Үкіметтің кеңейтілген отырысында құрылыс сапасына ерекше назар аудару керектігін тапсырған болатын. Біз бұл бағытта белсенді жұмыс жүргізіп жатырмыз, және бүгін 76 отбасы жаңа баспанаға ие болды. Үйлеріңіз әрдайым жылуға, жайлылық пен қуанышқа толы болсын!», – деді Марат Ахметжанов.

Қуанышты тұрғындар өз толғаныстарын жасыра алмады. Солардың бірі – Юлия Юрченко өз әсерімен бөлісті. Айта кету керек, ол балалар үйінің түлегі ретінде кезекте тұрған.

«Бұл сәтті 15 жыл күттім. Менің кішкентай қызым бар, сондықтан өте қуаныштымын. Үй өте жақсы, заманауи. Жанында мектептер, балабақшалар бар, баламның дамуына барлық мүмкіндік жасалған. Мемлекет басшысына үлкен алғысымды білдіремін», – деді Юлия Юрченко.

Еске сала кетсек, өткен жылы Ақмола облысында 661 мың шаршы метр тұрғын үй пайдалануға берілді. Бұл 6 мыңнан астам ақмолалықтың баспана жағдайын жақсартуға мүмкіндік берді. 2025 жылы тағы 665 мың шаршы метр тұрғын үй салу жоспарлануда, бұл көптеген отбасыларға көптен күткен пәтерлерін алуға мүмкіндік береді.

Ақпарат көзі: ГУ «Аппарат акима Акмолинской области»