Атбасар ауданының тұрғындарымен есеп беру кездесуінде облыс әкімі Марат Ахметжанов су тасқыны салдарын жоюға баса назар аударды. Үйлерді жөндеуге барлық 172 зардап шеккен атбасарларға өтемақы төленді, қаланың 371 тұрғыны 100 АЕК бойынша біржолғы әлеуметтік төлем алды. Үйлері апатты деп танылған 38 отбасы үшін пәтерлер сатып алынды.

Өңір басшысы су тасқынынан зардап шеккен Атбасар тұрғындары зиянды өтеуден басқа қауіпсіз аймақтарға көшірілуге тиіс екенін атап өтті.

«Екі тұрғын үйді уақтылы іске қосу және тұрғындарды көшіру осы көктемде көп қиындық тудырмас еді. Тұрғын үй мен басқа да маңызды әлеуметтік нысандардың құрылысы жылдарға созылмауы үшін біз  өткен тәжірибені ескеруіміз керек. Ал бұл үшін құрылыс жұмыстарына тәулік бойы бақылау ұйымдастыру, қоғамдық бақылау комиссиясын құру қажет, оған құрылыс саласының мамандары қосылуы тиіс», - деп атап өтті М.Ахметжанов.

Қайта су басуды болдырмау үшін биыл Атбасар ауданына  Жабай өзенінің арнасын тереңдету және тазарту үшін көпфункционалды жер снаряды сатып алынатын болады. Су тасқыны қаупін азайту үшін еріген су ағындарын сауатты реттеу қажет, сондықтан өзен жағалауларын нығайту қатар жүргізіледі. Атбасар ауданының әкімдігіне қала шекарасында шлюздерді орнату бойынша жобаны әзірлеуді жеделдету тапсырылды.

Атбасар ауданында өнеркәсіптік және ауыл шаруашылығы өндірісін дамыту үшін барлық ресурстар бар. Қала құраушы кәсіпорындар «Қамқор-Локомотив» ЖШС, «ИНТЕР ТРЕЙД» ЖШС, «Аждар и К» ЖШС Атбасар электровоз жөндеу зауыты болып саналады. Алайда ауданның облыстың өнеркәсіптік өндірісінің жалпы көлеміне қосқан үлесі төмен-небәрі 1,6%. Айта кетейік, Ақмола облысында ұн өндірісінің жалпы көлемінің үштен бірі «ИНТЕР ТРЕЙД» ЖШС-на тиесілі.

«Терең қайта өңдеу кәсіпорындары жұмыс орындарының ең көп санын, салықтардың жоғары аударымдарын және тиісінше ауданның табысын толықтыруды жасайды. Ел Президенті Қасым-Жомарт Тоқаев үш жыл ішінде қайта өңделген ауыл шаруашылығы өнімдерінің  70% - на қол жеткізу міндетін қойды. Сүт зауыттарының, ет комбинаттары мен май зауыттарының қуаттылығын арттыруды ұлғайту қажет, облыстық бюджеттен сүтті терең өңдеуді субсидиялауға қосымша қаражат бөлінді. Субсидияларға деген көзқарасты өзгерту керек, бұл мемлекеттің өтеусіз көмегі емес, еңбек өнімділігін арттырудың және бизнесті ынталандырудың қосалқы тетігі», - деді облыс басшысы.

Өңір басшысы ауданның жоспарында жақсы жобалар бар екенін атап өтті: көппәтерлі тұрғын үйлер, қонақ үй, кондитерлік цех, астық қоймалары, сүт-тауар фермасы, элеватор салу. Алайда, мемлекеттік қолдауға ие болған жобалар санының төмендеу үрдісі бар, мал шаруашылығы жеткіліксіз дамыған.

Кездесу соңында ауданның әлеуметтік-экономикалық дамуына қосқан үлесі үшін білім, ауыл шаруашылығы және т. б. салаларда ерекшеленген атбасарлар облыс әкімінің алғыс хаттарымен марапатталды.

Азаматтардың жеке қабылдауында тұрғын үй және жер мәселелеріне қатысты өтініштер айтылды.

Ақпарат көзі: ГУ «Аппарат акима Акмолинской области»