Аймақта дауыс беру құқығына ие азаматтардың саны – 411 880. Процесстің ашықтығы мен заңдылығын бақылайтын 7 ұйым акредиттелген. Бұл туралы Атырау облыстық аумақтық референдум комиссиясы мәлімдеді , - деп хабарлайды Өңірлік коммуникациялар қызметі.

Бүгін өңірде 283 референдум комиссиясы жұмыс істейді. Оның 9-ы – аумақтық, 274-і – учаскелік. Жалпы комиссияларда 2037 мүше бар. Дауыс беру процессі вахталық қалашықтар да өтіп жатыр. Бұл жұмысты 38 учаскелік комиссия жүзеге асыруда. Барлық учаске материалдық-техникалық құрал-жабдықтармен қамтамасыз етілген.

Атырау қаласы мен аудандарда мүмкіндігі шектеулі жандар үшін 100-ге жуық инватакси ұйымдастырылған. 15-ке жуық сурдоаудармашы жұмыс істейді. Учаскелерге тактильді белгілер орнатылған. Көзі нашар көретін сайлаушылар аудионұсқаны тыңдағаннан кейін трафареттермен қамтамасыз етілген.

Облыстық аумақтық референдум комиссиясы тіркеуі жоқ, сол себепті ешбір учаскеде тізімге енбеген азаматтардың дауыс беру күні учаскеге тіркелуге және онда дауыс беруге мүмкіндігі бар екенін хабарлады. Бұл қызмет Атырау қаласындағы 5 учаскеде көрсетіледі.

Еске сала кетейік, дауыс беру процессі 20:00-ге дейін жалғасады.

Ақпарат көзі: ГУ «Аппарат акима Атырауской области»