Бүгінгі күні Жылыой ауданы Құлсары қаласында тасқын судың салдарын жою мақсатында ТЖМ күштері мен құралдары көмегімен  авариялық-құтқару жұмыстары жалғасуда. Аталған жұмыстар нәтижесінде 5,8 млн текше метр тасқын су сорылып, құрғатылған үйлер мен көшелерде дезинфекция жалғасуда.

Атырау қаласында, Индер және Махамбет аудандарында судың қауіпсіз өткізу, тасқын судың алдын алу іс-шаралары атқарылуда.

Айта кететін жағдай, 2024 жылғы 12 мамырда Индер ауданында тұрғызылған бөгеттің астыңғы бөлігінде қалған ескі құбырдан су кетуіне байланысты, арнайы құралдармен  250 мыңға жуық текше метр су айдалды. Республикалық маңызы бар «Атырау-Орал» тас жолының Индербор кентіне бағытталған 7 шақырым кірме жолдың бетіне су шығып кетуі себепті тас жол қасына тәулік бойы ауысыммен кезекшіліктер ұйымдастырылып, құтқарушылар көмегімен қазіргі таңда 150 тұрғын тасымалданды. Соңғы ақпаратқа сәйкес, бүгінгі күні Индер ауданы Жайық өзенінің су деңгейі 6 см төмендеді.  

Аймақтарда мониторинг уақытылы жүргізіліп, кезекшіліктер ұйымдастырылды. Жағдай бақылауда.

Атырау облысы ТЖД

Қоғаммен байланыс тобы

Ақпарат көзі: Министерство по чрезвычайным ситуациям Республики Казахстан