Еліміздің сауда-ойын-сауық орталықтарында, сауда үйлері мен базарларында өрттерді болдырмау мақсатында 2024 жылғы 22-28 шілде аралығында «Қауіпсіз сауда» кең ауқымды республикалық акциясы өткізілді.

Сауда-ойын-сауық орталықтарындағы, сауда үйлеріндегі және базарлардағы өрттер үлкен материалдық шығынға және басқа да ауыр зардаптарға әкеледі. Мұндай объектілердің өрт қауіптілігі өрт жүктемесінің көп болуымен сипатталады (ауқымдылығы, адамдардың шоғырлануы, тауар қорлары, жану кезінде уландырушы әсер ететін және түтін пайда болуын арттыратын полимерлік және синтетикалық материалдар және т.б.).

Осы іс-шара шеңберінде өрт қауіпсіздігі саласындағы заңнаманы сақтау бойынша профилактикалық іс-шаралар ұйымдастырылатын болады (оның ішінде ұсынымдар берумен, иеленушілермен және жалға алушылармен кездесулер ұйымдастырылады).

Акцияға «Атамекен» ҰКП, волонтерлік ұйымдар, блогерлер және бұқаралық ақпарат құралдары қатысты.

Акция аясында ірі нысандарда 185 өрт-тактикалық оқу-жаттығу өткізілді.

Меншік иелерімен және жалға алушылармен 2,5 мыңнан астам түсіндіру кездесу ұйымдастырылды, 9,5 мыңнан астам ұсыным берілді, еліміздің барлық өңірлерінде брифингтер өткізілді.

Бұдан басқа осы санаттағы объектілердің жедел жоспарлары мен өрт сөндіру карточкаларына түзетулер жүргізілді, ал ірі объектілерде өрт-тактикалық оқу-жаттығулар өткізілді (сабақтарға).

ТЖМ Өртке қарсы қызмет комитеті

Ақпарат көзі: Министерство по чрезвычайным ситуациям Республики Казахстан