Ұлытау облысы Өңірлік коммуникациялар қызметі алаңында «Қауіпсіз жазғы демалыс» тақырыбында пресс-конференция өтті. Аталған пресс-конференцияның спикері болып ДП, облыстық білім басқармасының өкілі және Ұлытау облысының ТЖД Төтенше жағдайлардың алдын алу бөлімінің бастығы азаматтық қорғау майоры Алибек Абилов сөз сөйледі.

Балалардың жарақат алуы мен өліміне әкеліп соғатын негізгі себептердің бірі – терезеден құлау оқиғасы. Көп жағдайда 2 жастан 7 жасқа дейінгі  балалар терезеден құлау қауіп-қатеріне жиі ұшырайды.                 

Көп жағдайда балалардың құлауы олардың ата-анасының қарауынсыз қалуы себебінен орын алады. Қасіреттің алдын алу үшін, құтқарушылар кішкентай балаларды жалғыз қалдырмауға кеңес береді. Сонымен бірге барлық жиһаздарды бала терезе алдына шыға алмайтындай етіп, терезе жанынан алшақ қоюды ұсынады. Терезедегі москиттік торларға сенбеу керек. Олар құлаудан сақтауға арналмаған. Ең сапалы тордың өзі баланың салмағы мен қысымды көтере алмайды. Егер балаңыз бөлмеде болса, терезені және балкон есігін ашпаңыз. Бала терезені өз еркімен аша алмау үшін терезеге арнайы бекіткіштер орнату қажет.  Егер сіз балаңызға терезеден бірнәрсе көрсететін болсаңыз, оны мықтап ұстаңыз, баланың шұғыл қимылдарына дайын болыңыз, баланы киімнен ұстамаңыз.

Баланы жазғы демалысқа балалар лагеріне жібергенде, бірқатар маңызды сәттерге назар аударыңыз. Балалар лагерінде дәрігер болуы керек, ал объектінің қызметкерлері мен әкімшілігі міндетті түрде өрт қауіпсіздігін қамтамасыз ету мәселелері бойынша нұсқау беруі керек. Балалардың жазғы демалысы және уақытша болу объектілерінің басшылығы мен объектіде өрт қауіпсіздігін қамтамасыз ету жөнінде бұйрық шығарылуға тиіс.                              

Жазғы лагерлерде өрт қаупі төнген немесе туындаған кезде балаларды ғимараттар мен үй-жайлардан эвакуациялау бойынша практикалық жаттығулар өткізілуі тиіс.

Қазір жаз маусымы. Балалардың жазғы демалысы, ересектердің еңбек демалысы, серуендеу және әрине, шомылу уақыты. Бірақ, қай жерде шомылсаңыз да, ешқашан судағы қауіпсіздік ережелері туралы ұмытпау керек.

Ұлытау облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан