Қазақстан Республикасы Төтенше жағдайлар Стратегиялық жоспарлау және жедел басқару командалық орталығы базасында азаматтық қорғау саласындағы жаңғырту және цифрландыру мәселелеріне арналған кеңес өтті. Іс-шараға Экология және табиғи ресурстар министрі Е. Нысанбаев, Су ресурстары және ирригация министрі Н. Нұржігітов, Төтенше жағдайлар вице-министрі Б. Әбдішев, Цифрлық даму, инновациялар және аэроғарыш өнеркәсібі вице-министрі М. Олжабеков, Экология және табиғи ресурстар вице-министрі Н.Құрмалаев сондай-ақ мемлекеттік ұйымдар мен ұлттық компаниялардың өкілдері қатысты.

Кеңестің негізгі мәселелерінің бірі ҚР ТЖМ Командалық орталығының IT-инфрақұрылымын жаңғырту болды. Төтенше жағдайлар вице-министр Б. Әбдішев төтенше жағдайлар кезінде неғұрлым тиімді мониторинг пен жедел басқару үшін заманауи цифрлық шешімдерді енгізу мақсатында командалық орталықты жаңартуға айтарлықтай күш жұмсалғанын атап өтті.

«2024 жылы көптеген мүдделі тараптардың бірлескен жұмысының арқасында жедел, жүйелі, нақты шешімдер қабылданды, бұл кешенде орман өрттерінің аумағын қысқартуға мүмкіндік берді», — деп атап өтті Е. Нысанбаев.

ҚР ТЖМ Командалық орталығы азаматтық қорғау күштері мен құралдарын жедел басқаруға, сондай-ақ табиғи және техногендік сипаттағы төтенше жағдайлар туралы ақпаратты жинауға және өңдеуге жауапты негізгі құрылымдық бөлімше болып табылады. Орталықтың инфрақұрылымын жаңарту аясында биыл торлық жөндеу және ақпараттық-техникалық базаны жаңарту бойынша жұмыстар жүргізілді. Бұл процеске «Қазавиалесохрана» РМК, «Қазгидромет» РМК және «Қазақстан Ғарыш Сапары» АҚ республикалық диспетчерлік қызметінің мамандары тартылды.

Кеңесте цифрлық бастамаларға және мемлекеттік органдардың төтенше жағдайларға мониторинг жүргізу мен оларды жоюдағы бірлескен күш-жігерге ерекше назар аударылды. Tabigat.gov.kz табиғи ресурстардың интерактивті картасы сияқты ғарыштық технологиялар мен цифрлық құралдарды пайдалана отырып мониторинг жүргізілгеніне де тоқталды.

«ҚҒС» ҰК» АҚ платформалық шешімдер департаментінің директоры Г. Қабжанова Tabigat.gov.kz платформасының мүмкіндіктерін көрсетті, ал ҚР ЭТРМ Орман шаруашылығы және жануарлар дүниесі комитеті төрағасының орынбасары М. Елемесов орман өрттерін ерте анықтау жүйесін және республикалық диспетчерлік қызметтің есептілігін автоматтандыруды ұсынды.

Сонымен қатар кеңесте ТЖМ процестерін автоматтандыру шеңберінде жүргізілетін дала және орман өрттерінің таралуын модельдеу ұсынылды. Өртті модельдеу бойынша жұмыстың барысы көрсетіЛІП, ал «ҚҒС» ҰК» АҚ платформалық шешімдер департаментінің инженерлері мен «Қазгидромет» РМК бас директоры су тасқынын болжау жүйесі туралы айтты.

Кеңес соңында «Talsim» және «Delft-FEWS» су тасқынын болжау жүйелерін таныстырылып, содан кейін төтенше жағдайлар туралы хабарлау жүйесіндегі маңызды жаңарту көрсетілді.

Кездесу қорытындысы бойынша қатысушылар ақпараттық жүйелердің жұмыс істеу үдерістерін үйлестіруді және азаматтық қорғау саласындағы материалдық-техникалық сүйемелдеуді қамтамасыз ететін бірыңғай ахуалдық орталық құру жөніндегі одан арғы қадамдарды талқылады. Сонымен қатар осы жобаны іске асыру үшін ведомствоаралық техникалық тапсырма әзірлеу ұсынылды.

Ақпарат көзі: Министерство экологии, геологии и природных ресурсов Республики Казахстан