Жоғары аудиторлық палата нұсқамасын орындау аясында ҚР Ауыл шаруашылығы министрлігі мемлекеттен субсидия алушылардың қарсы міндеттемелерін өзектендіру бойынша жұмыс жүргізді. Енді олар нақты нәтижеге қол жеткізуге тікелей байланысты болады.

Мал шаруашылығын дамытуды субсидиялау жүйесіндегі кемшіліктер 2021 жылы Түркістан облысына бөлінген бюджет қаражатын пайдалану аудиті барысында анықталды. Ауыл шаруашылығы министрлігіне оларды жою туралы тапсырма берілді.

Нәтижесінде биыл 25 маусымда субсидиялау қағидаларына ауыл шаруашылығы өндірушілері үшін жаңа қарсы міндеттемелерді енгізуді көздейтін өзгерістер енгізілді: АӨК ақшалай мәнде жалпы өнімінің өсуін қамтамасыз ету не өткен жыл деңгейінде сақталуы.

Міндеттемелерді орындау деңгейі субсидиялаудың мемлекеттік ақпараттық жүйесінде тіркелетін болады. Олар 2 жыл қатарынан орындалмаған жағдайда, субсидия алуға жаңа өтінім бере алмайды.

Өзгерістер 2025 жылғы 1 қаңтардан бастап қолданысқа енгізіледі. Ол уақытқа дейін, яғни 2024 жылы тиісті пилоттық жобаны іске асыру басталады.

Ақпарат көзі: Қазақстан Республикасының Жоғары аудиторлық палатасы