Бесқарағай ауданының Қарағайлы ауылындағы мәдениет үйіне жөндеу жұмыстары жүріп жатыр. Құрылыс алаңында 15 адам жұмыс істеуде. Жұмыстың аяқталуы 2024 жылдың тамызына жоспарланған.

Жөндеуден кейін мәдениет үйі ауыл тұрғындары үшін түрлі мәдени-қоғамдық шаралар өтетін әлеуметтік-мәдени орталыққа айналады. Аудан әкімі Талғат Мұратов құрылыс басында болып, жұмыс барысымен танысты.

Қарағайлы - аудандағы маңызы бар елді мекендердің бірі. Халық саны 840 адамды құрайды. Биыл ауылдағы көшелерге асфальт төселді. Көшелерді жарықтандыру жұмыстары жоспарланып, дәрігерлік амбулатория салынуда. Сондай-ақ, баспана кезегінде тұрғандар үшін екі үйдің құрылысы жүріп жатыр.

Ақпарат көзі: Абай облысының әкімдігі