Республиканың құтқару бөлімшелері «Қазқұтқару-2024» республикалық жиын-семинарының шеңберінде «Жартасты қала – Астана» оқу-жаттығу полигонында жарысуды жалғастыруда.

Командалар «Қапшағай су қоймасы акваторясындағы іздестіру-құтқару жұмыстары» дистанциясында құтқару көпсайысы бойынша жарысуда. Кәсіби құтқарушылар 4 кезеңнен тұратын дистанцияны өтуде: «Су астындағы іздестіру жұмыстары», «Авариялық – құтқару жұмыстары», «Зардап шеккен адамды су басқан бөліктен бір аппаратпен шығару», «Судағы құтқару жұмыстары». Командалардың жарыстардың барлық кезендегі басты міндеттері - су астында зардап шеккендерді іздеу және алып шығу, су айдынының түбінен батып кеткен көлікті шығару, сондай-ақ өзінің жеке құралын қолдана отырып зардап шеккенді су айдынынан жағаға алып шығу.   

Сондай-ақ «Қоршаған орта жағдайларындағы іздестіру-құтқару жұмыстары» және «Күштік жаттығулар кешені» дистанцилары бойынша жарыстар өтуде. Жарыстың әрбір кезеңінің нәтижесі бойынша алғашқы күндері жеңімпаздар анықталатын болады.

2024 жылғы 6 қыркүйекте Алматы облысындағы Тамғалы Тас шатқалында орналасқан «Жартасты қала – Астана» оқу-жаттығу полигонында «Қазқұтқару-2024» құтқарушы бөлімшелердің республикалық жиын-семинары басталғанын естеріңізге саламыз.

ҚР ТЖМ баспасөз қызметті

Ақпарат көзі: Министерство по чрезвычайным ситуациям Республики Казахстан