2024 жылғы 4 қыркүйекте Алматы қаласында Беларусь Республикасы Төтенше жағдайлар министрлігінің, Қазақстан Республикасы Төтенше жағдайлар министрлігінің және Ресей Федерациясының Азаматтық қорғаныс істері, төтенше жағдайлар және табиғи апаттардың салдарын жою министрлігінің бірлескен алқасының 11-ші отырысы өтті.

Алқа жұмысына министр В.И. Синявский бастаған Беларусь ТЖМ делегациясы, министр Ш.С. Әрінов бастаған Қазақстан ТЖМ делегациясы, министр А.В. Куренков бастаған Ресей ТЖМ делегациясы қатысты.

Бірлескен алқа отырысын аша отырып, Қазақстан Республикасының Төтенше жағдайлар министрі  Шыңғыс Әрінов бұл халықаралық ынтымақтастықты нығайтуға және елдеріміздегі қауіпсіздік деңгейін арттыруға деген ортақ ұмтылысымызды көрсететін маңызды оқиға екенін атап өтті.

Жаһандық қауіпсіздік барлық мемлекеттер үшін басымдыққа айналатын заманауи сын-қатерлер мен қауіп-қатерлер жағдайында мұндай кездесулер шешуші рөл атқарады. Тәжірибе алмасу, бірлескен жоспарлар жасау және күш-жігерді үйлестіру бізге төтенше жағдайларға тиімдірек жауап беруге және азаматтарымыздың өмірі мен әл-ауқатын қорғауға мүмкіндік береді.

Сонымен қатар ТЖ ведомствосының басшысы алдағы екі күнге жоспарланған бағдарламаны атап өтті: бұл біздің министрліктеріміздің бірлескен алқасының отырысы, ҰҚШҰ ТЖ жөніндегі үйлестіру кеңесінің отырысы және ҰҚШҰ-ның «Скала – 2024» оқу-жаттығуы. Осыған байланысты сіздерді Қазақстан жерінде, еліміздің інжу-маржаны-Алматы қаласында қарсы алғым келеді, баршамызға жемісті жұмыс тілеймін.

Отырыс төтенше жағдайлардың алдын алу және оларды жою саласындағы елдер арасындағы ынтымақтастықты дамыту және нығайту, дүлей зілзалалар мен техногендік апаттарға ден қоюдың жеделдігін арттыру, сондай-ақ тәжірибе және жаңа технологиялармен алмасу үшін маңызды болды.

Алқа күн тәртібінде Беларусь, Қазақстан және Ресей ТЖМ бірлескен алқасының X отырысының шешімдерінің орындалуы қаралды. Сонымен қатар Еуразиялық экономикалық одақтың «Өрт қауіпсіздігін және өрт сөндіруді қамтамасыз ету құралдарына қойылатын талаптар туралы» техникалық регламент талаптарының сақталуын, әкімшілік құқық бұзушылық туралы істер бойынша іс жүргізуді мемлекеттік бақылауды (қадағалауды) жүзеге асыру мәселелері талқыланды.

«Біздің халықаралық ынтымақтастығымыз дамып келеді, ең бастысы өз жемісін беруде. Ал ведомстволар арасындағы тұрақты диалог тәжірибемен жедел бөлісуге мүмкіндік береді», - деп Беларусь Төтенше жағдайлар министрі Вадим Синявский атап өтті.

Сонымен бірге төтенше ведомстволарда пилотсыз авиация мен спортты дамыту стратегиясы назардан тыс қалмады.

Отырыс қорытындысы бойынша қол жеткізілген уағдаластықтар мен одан әрі ынтымақтастық бағыттарын бекітетін хаттамаға қол қойылды. Төтенше жағдайларға ден қоюға дайындық деңгейін арттыруға және азаматтық қорғау саласындағы бірлескен жобаларды іске асыруға бағытталған бірқатар практикалық іс-шараларды өткізуді қамтитын 2025 жылға арналған жұмыс жоспары бекітілді.

Министрлер Беларусь Республикасы, Қазақстан Республикасы және Ресей Федерациясы арасындағы төтенше жағдайлардың алдын алу мен оларды жою саласындағы ынтымақтастық өңірдегі қауіпсіздікті одан әрі нығайтуға және азаматтарды төтенше жағдайлардан қорғауға ықпал ететініне сенім білдірді.

«Біз жыл сайын төтенше жағдайлардың алдын алу және жою саласындағы ынтымақтастықты арттырудамыз. Ынтымақтастықтың көптеген векторлары дамытуды талап етеді: бұл төтенше жағдайларға ден қою кезінде өзара көмек көрсету, өртке қарсы қауіпсіздіктің бірыңғай стандарттарын әзірлеу, кадрлар даярлау, бірлескен оқу - жаттығулар өткізу», - деп

Ресей Федерациясының Азаматтық қорғаныс істері, төтенше жағдайлар және табиғи апаттардың салдарын жою министрі

Александр Куренков атап өтті.

Бұл отырыс үш елдің ТЖМ арасындағы өзара әрекет етуді және іс-қимылды үйлестіруді күшейту жолындағы кезекті қадам болды, бұл табиғи және техногендік апаттарға байланысты сын-қатерлерге неғұрлым тиімді қарсы тұруға мүмкіндік береді.

 

ҚР ТЖМ баспасөз қызметі

Ақпарат көзі: Министерство по чрезвычайным ситуациям Республики Казахстан