Қазақстан Елшісі Мажарстанның Президентіне сенім грамоталарын тапсырды
Будапешт, 2024 жылғы 24 қыркүйек – Қазақстанның Мажарстандағы Елшісі Абзал Сапарбекұлы Мажарстан Президенті Тамаш Шүйокке сенім грамоталарын тапсырды.
«Шандор» президенттік сарайында салтанатты рәсімнен кейін болған екіжақты кездесу барысында қазақ дипломаты Мажарстан Президентіне Қазақстан Президенті Қасым-Жомарт Тоқаевтың атынан ізгі тілектері мен жылы лебіздерін жеткізді.
Сонымен бірге тараптар Қазақстан мен Мажарстан арасындағы саяси диалогты және сауда-экономикалық ынтымақтастықтың қазіргі жағдайын талқылап өтті.
Кездесу соңында Елші екіжақты ынтымақтастықты одан әрі нығайтуға бар күш-жігерін салуға дайын екенін білдірді. Мажар Президенті өз тарапынан дипломатиялық миссиясының басталуымен құттықтап, алдағы жұмысқа сәттілік тіледі.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -