ҚР Мәдениет және ақпарат министрлігі Дін істері комитетінің арнайы жобасы аясында, Абай облысында дін істері басқармасының қолдауымен, бектілген жоспарға сәйкес, дін мәселелері бойынша республикалық ақпараттық-түсіндіру тобының мүшелері қоғамда дәстүрлі рухани-адамгершілік құндылықтарды қалыптастыру және діни экстремизмнің алдын алу бағытында семинарлар мен әртүрлі форматтағы іс-шаралар өткізілді.

Іс-шараның мақсаты діндар тұрғындар арасында зайырлы қоғам мен дәстүрлі ислам құндылықтарын күшейту. Қазақстан қоғамында әйелдер рөлінің маңыздылығын, сондай-ақ жастар арасында рухани құндылықтарды арттыру керектігін түсіндірді.

Жоғарыда аталған ақпараттық-түсіндіру жұмыстары Абай облысының әйелдері арасында жұргізілді. Осы іс шарада өскелең ұрпақтың бойында адамгершілік тәрбиесінің рөлін, қазақстандық қоғамда отбасылық құндылықтарды тәрбиелеуге және нығайтуға әйелдердің рөлі зор екендігі атап өтілді.

Ақпараттық-түсіндіру жұмыстарының қорытындысына сәйкес 16 іс-шара өткізіліп, жиыны 290 адам қамтылды.

Материал Абай облысы бойынша ТҚК аппаратының

ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы